A story for Dialect Variation

Today, I received a small story (karikannan-muthalakannan) from Shri.O.S.Subramanian and am being asked to translate it to Paramakkudi dialect. The story was in either Trichy or Salem dialect which I am not sure but surely it is not in Madurai dialect which is native of Mr.O.S.Subramanian. The story was sent to few others too. I have provided the story send to me and the version from me (Paramakkudi). Shri. T.N.Krishna moorthi, Paramakkudi native and now in Andaman, also provided the story to Shri.OSS dhaa.

Story Received:

"முல்லா காலம்மு கண்ணாடி ஜுண்ணா. மென்கான் கொன்னி தெங்க தோண் செய்ல்ரித்தெநீ: ஒண்டிதி மெந்தொ காரிக்கண்ணனுகு ஒண்டெ கண்ணாடி அப்பெஸி. தெனா தியோ

சியஸீ. தெமொ தெங்கபா3 ஹொதாஸி. மொரிஜியெ தெகா பா3ஸீ தெமொ சேமெனி ஹவ்டிலேஸி. தெகொ ஒண்டீஸ் சொந்தோஷ். தெகொ தெங்க பா3 ஹொல்லே ஜுக்கு பிரேவ். தெகா

ஹாலு கண்ணாடி கொ2ப்3பி3ம் தெகொ ஜொவலூஸ் தொ2வ்லிடேஸ். இஞ்ஜிரதொ முல்லோ தியொ கண்ணாடிதெள்கட் அடூக் தொவ்லுடை.

காரிக்கண்ணன் பா3ய்லுகு இயே ஆச்சரியம்க ஹொந்தேஸ். ஒண்டிதி காரிகண்ணன் இஞ்சிரதா தெனா கண்ணாடி சீஸ். தெமொ ஒண்டெ பா3ய்ல்மெனிக் ஹொதிஸி. காரிகண்ணன்

ஹொல்லே தெகொ செந்தேவ் அவ்டிஸ். தெகொ செந்தா ஜெடா ஜேடிஸ். “துமி அத்தா ஜுக்கு நஜ்ஜியாஸ். தியே கண்ணாடிம் ஒண்டெ பா3ய்ல்மெனிக் ஸே. தெகுர்ச்சீஸி கண்ணாடி

தும்ஜொவளூஸ் தொவ்ல்ரியாத்தெ. துங்கொ அத்தா மொகொ தெ4ர்னாஜேடிஸ்” மெனி மெனிஸி.

தெகொ காரிகண்ணன் ரெய்லி “அம்பிர் பா3ஸ் தெமொ ஸேத்தெ. தெக்குர்ச்சீஸ் தொவ்ல்ரித்தெ” மெனெஸ். தெனா

“நீ:, நீ:, துமி சொட்ட வத்த சங்கராஸ்” மெனிஸி. காரிகண்ணன் காய் ஸங்கி முள்ளொ தெனோ ஐய்கினி.

தெவ்ளாக் தேட் முதலகண்ணன் அவெஸ். தெனா எங்கொ களைய தென. தெஜொவளு தெனு தீ3தெனு தெங்க குறை மெல்லியாஸி. முதலகண்ணன் கண்ணாடி க2ள்ளி சியெஸி. தெமொ

ஒண்டி பூ4த் ஹொந்தேஸ். “அய்யோ, பூ4த் ! பூ4த் !!” மென் ப4வாட் தைலேத் கண்ணாடி கல்லா தைதேஸ். கண்ணாடி தூள் தூள்க புட்டி ஜேடிஸ்.

தல்லொ பா3ய்ல் ஜெடொ முள்ள தெஸெந்த முஜ்ஜிஸி."

Story that I sent:

ꢪꢸꢭ꣄ꢭꢵ ꢒꢵꢭꢪꢸ ꢒꢠ꣄ꢠꢞꢶ ꢙꢸꢠ꣄ꢠꢵ꣎ ꢪꢾꢥ꣄ꢒ꣄ꢫ꣄ꢫꢵꢥ꣄ ꢒꣁꢥ꣄ꢥꢶ ꢡꢾꢥꢸ ꢡꢾꢖ꣄ꢒ ꢡꣂꢠ꣄ ꢱꢷꢬꢵꢥꢷ꣎ ꢏꢠ꣄ꢜꢾꢡꢶ ꢒꢵꢬꢶꢒꢠ꣄ꢠꢥꢸꢒꢸ ꢏꢠ꣄ꢜꢾ ꢒꢠ꣄ꢠꢞꢶ ꢂꢨ꣄ꢨꢾꢱ꣄꣎ ꢡꢾꢥꣁ ꢡꢾꢭ꣄ꢭꢾ ꢱꢶꢫꢾꢱꢶ꣎ ꢡꢾꢪꢵꢪ꣄ ꢡꢾꢖ꣄ꢒꢨꣁ ꢲꣁꢡ꣄ꢫ꣄ꢫꢵꢱꢶ꣎ ꢪꣁꢬꢶꢙꢶꢫꢾ ꢡꢾꢖ꣄ꢒ

ꢦꣂꢱꢶ ꢡꢾꢪꢵꢪ꣄ ꢱꢿ ꢪꢾꢥꢶ ꢲꢮ꣄ꢜꢶꢭꢶꢫꢾꢱ꣄ ꣎ ꢡꢾꢒꣁ ꢏꢠ꣄ꢜꢾ ꢱꣁꢥ꣄ꢡꣂꢰ꣄꣎ ꢡꢾꢒꣁ ꢡꢾꢖ꣄ꢒ ꢨꢵ ꢲꣁꢳ꣄ꢳꢾ ꢙꢸꢒ꣄ꢒꢸ ꢦ꣄ꢬꢿꢮ꣄꣎ ꢡꢾꢒ ꢲꢵꢭꢶ ꢒꢠ꣄ꢠꢞꢶ ꢓꣁꢨ꣄ꢨꢶꢪꢸ ꢡꢾꢒꣁ ꢙꢮꢭꢹꢱ꣄ ꢢꣁꢮ꣄ꢭꢶꢜꢶꢫꣁ꣎ ꢄꢛ꣄ꢙꢶꢬꢡꣁ ꢪꢾꢳ꣄ꢳꢶ ꢡꢾꢭ꣄ꢭꢾ ꢒꢠ꣄ꢠꢞꢶ ꢡꢾꢳ꣄ꢒꢜ꣄

ꢂꢞꢸꢒ꣄ꢒꢸ ꢢꣁꢮ꣄ꢭꢸꢞꣀ꣏

ꢒꢵꢬꢶꢒꢠ꣄ꢠꢥ꣄ ꢨꢫ꣄ꢭꢸꢒꢸ ꢌꢭ꣄ꢭꢾ ꢃꢗ꣄ꢗꢬꢶꢫꢾꢪ꣄ꢒꢥ꣄ ꢲꣁꢡꢾꢱ꣄꣎ ꢏꢠ꣄ꢜꢾꢡꢶ ꢒꢵꢬꢶꢒꢠ꣄ꢠꢥ꣄ ꢄꢛ꣄ꢙꢶꢬꢡꣁ ꢡꢾꢥꣁ ꢒꢠ꣄ꢠꢞꢶꢪ꣄ ꢱꢷꢱ꣄꣎ ꢡꢾꢪꣁ ꢏꢠ꣄ꢜꢾ ꢨꢫ꣄ꢭ꣄ꢪꢾꢥꢶꢒ꣄ ꢲꣁꢡꢶꢱꢶ꣎ ꢒꢵꢬꢶꢒꢠ꣄ꢠꢥ꣄ ꢲꣁꢳ꣄ꢳꢾ ꢡꣁꢒꣁ ꢱꢥ꣄ꢡꢾꢮ꣄ ꢂꢮ꣄ꢞꢶꢫꣁ꣎ ꢡꢾꢒꣁ ꢱꢾꢬꢵꢜꢶ

ꢚꢾꢞꢵꢒ꣄ ꢙꢿꢞꢶꢒꢶ꣎ "ꢡꢸꢪꢶ ꢂꢡ꣄ꢡꣁ ꢙꢸꢒ꣄ꢒꢸ ꢥꢙ꣄ꢙꢶꢬꢵꢱ꣄꣎ ꢡꢶꢫꢾ ꢒꢠ꣄ꢠꢞꢶꢪ꣄ ꢏꢠ꣄ꢜꢾ ꢨꢫ꣄ꢭ꣄ꢪꢾꢥꢶꢒ꣄ ꢱꢿ꣎ ꢡꢾꢒꢸꢗ꣄ꢗꢷꢱ꣄ ꢒꢠ꣄ꢠꢞꢶ ꢡꢸꢬꢾ ꢭꢾꢔꢸꢡ꣄ꢡꣂꢱ꣄ ꢢꣁꢮ꣄ꢭ꣄ꢬꢶꢫꢾ꣎ ꢡꢸꢖ꣄ꢒꣁ ꢂꢡ꣄ꢡꣁ ꢪꢷ ꢡꢾꢥ꣄ꢥꢵꢡ꣄ꢡꣁ ꢙꢿꢞꢶꢫꣁ" ꢪꢾꢥꢶ ꢪꢾꢥꢶꢱꢶ꣏

ꢡꢾꢒꣁ ꢒꢵꢬꢶꢒꢠ꣄ꢠꢥ꣄ ꢬꢴꢷꢭꢶ, 'ꢂꢮ꣄ꢬꢾ ꢨꣂꢱ꣄ ꢡꢾꢪꢵꢪ꣄ ꢱꢿꢡ꣄ꢡꢾ꣎ ꢡꢾꢒꣁ ꢒꢸꢗ꣄ꢗꢷꢱ꣄ ꢢꣁꢮ꣄ꢭ꣄ꢬꢾꢡ꣄ꢡꢾ" ꢪꢾꢥꢾꢱ꣄ ꢡꢾꢥꣁ꣏

"ꢥꢴꢷ.. ꢥꢴꢷ..ꢡꢸꢪꢶ ꢗꣁꢜ꣄ꢜꣁ ꢮꢡ꣄ꢡꣁ ꢱꢖ꣄ꢒꢬꢵꢱ꣄" ꢪꢾꢥꢶꢱꢶ꣎ ꢒꢵꢬꢶꢒꢠ꣄ꢠꢥ꣄ ꢒꢵꢫ꣄ ꢱꢖ꣄ꢒꢶ ꢪꢾꢳ꣄ꢳꢶ ꢡꢾꢥꣁ ꢎꢒꢶꢥꢶ꣏

ꢡꢿꢮꢿꢳꣁ ꢡꢿꢜ꣄ ꢪꢸꢡꢭꢒꢠ꣄ꢠꢥ꣄ ꢂꢮꢾꢱ꣄꣎ ꢡꢾꢥꣁ ꢌꢖ꣄ꢒꣁ ꢣꢷ ꢡꢾꢖ꣄ꢒꣁ ꢒꢳꢫꢡ꣄ꢡꢾꢥꣁ꣎ ꢡꢿꢙꢮꢭ꣄, ꢡꢾꢥꢸ ꢣꢷꢡꢾꢥꢸ ꢡꢾꢖ꣄ꢒꣁ 'ꢒꢸꢬꣀ' ꢪꢾꢭ꣄ꢭꢶꢫꢵꢱꢶ꣎ ꢪꢸꢡꢭꢒꢠ꣄ꢠꢥ꣄ ꢒꢠ꣄ꢠꢞꢶ ꢓꢳ꣄ꢳꢶ ꢱꢶꢫꢾꢱ꣄꣎ ꢡꢾꢪꢵꢪ꣄ ꢏꢠ꣄ꢜꢾ ꢩꢹꢡ꣄ ꢲꣁꢡꢾꢱ꣄꣎ "ꢎꢫꣂ!

ꢩꢹꢡ꣄! ꢩꢹꢡ꣄!!" ꢪꢾꢥꢶ ꢩꢮꢵꢜ꣄ ꢡꣀꢭꢿꢡ꣄ ꢒꢠ꣄ꢠꢞꢶ ꢓꢭ꣄ꢭꣁ ꢡꣀꢡꢶꢫꣁ꣎ ꢒꢠ꣄ꢠꢞꢶ 'ꢡꢹꢳ꣄ ꢡꢹꢳ꣄' ꢒꢥ꣄ ꢧꢸꢜ꣄ꢜꢶ ꢙꢿꢞꢶꢫꣁ꣎

ꢣꢭ꣄ꢭꣁ ꢨꢫ꣄ꢭ꣄ ꢚꢾꢞꣁ ꢪꢾꢳ꣄ꢳꢶ ꢡꢿꢱꢾꢥ꣄ꢡꣁ ꢪꢸꢙ꣄ꢙꣁ꣎

முல்லா காலமு கண்ணடி3 ஜுண்ணா| மென்க்ய்யான் கொன்னி தெனு தெங்க தோண் ஸீரானீ| ஒண்டெதி காரிகண்ணனுகு ஒண்டெ கண்ணடி3 அப்3பெ3ஸ்| தெனொ தெல்லெ ஸியெஸி|

தெமாம் தெங்கபொ3 ஹொத்ய்யாஸி| மொரிஜியெ தெங்க போஸி தெமாம் ஸே மெனி ஹவ்டிலியெஸ் | தெகொ ஒண்டெ ஸொந்தோஷ்| தெகொ தெங்க பா3 ஹொள்ளெ ஜுக்கு ப்ரேவ்| தெக

ஹாலி கண்ணடி3 கொ2ப்3பி3மு தெகொ ஜவலூஸ் தொ2வ்லிடியொ| இஞ்ஜிரதொ மெள்ளி தெல்லெ கண்ணடி3 தெள்கட் அடு3க்கு தொ2வ்லுடை3||

காரிகண்ணன் ப3ய்லுகு எல்லெ ஆச்சரியெம்கன் ஹொதெஸ்| ஒண்டெதி காரிகண்ணன் இஞ்ஜிரதொ தெனொ கண்ணடி3ம் ஸீஸ்| தெமொ ஒண்டெ ப3ய்ல்மெனிக் ஹொதிஸி| காரிகண்ணன்

ஹொள்ளெ தொகொ ஸந்தெவ் அவ்டி3யொ| தெகொ ஸெராடி ஜெ2டா3க் ஜேடி3கி| "துமி அத்தொ ஜுக்கு நஜ்ஜிராஸ்| தியெ கண்ணடி3ம் ஒண்டெ ப3ய்ல்மெனிக் ஸே| தெகுச்சீஸ் கண்ணடி3

துரெ லெகு3த்தோஸ் தொ2வ்ல்ரியெ| துங்கொ அத்தொ மீ தென்நாத்தொ ஜேடி3யொ" மெனி மெனிஸி||

தெகொ காரிகண்ணன் ரீ:லி, 'அவ்ரெ போ3ஸ் தெமாம் ஸேத்தெ| தெகொ குச்சீஸ் தொ2வ்ல்ரெத்தெ" மெனெஸ் தெனொ||

"நீ:.. நீ:..துமி சொட்டொ வத்தொ ஸங்கராஸ்" மெனிஸி| காரிகண்ணன் காய் ஸங்கி மெள்ளி தெனொ ஐகினி||

தேவேளொ தேட் முதலகண்ணன் அவெஸ்| தெனொ எங்கொ தீ3 தெங்கொ களயத்தெனொ| தேஜவல், தெனு தீ3தெனு தெங்கொ 'குரை' மெல்லியாஸி| முதலகண்ணன் கண்ணடி3 க2ள்ளி

ஸியெஸ்| தெமாம் ஒண்டெ பூ4த் ஹொதெஸ்| "ஐயோ! பூ4த்! பூ4த்!!" மெனி ப4வாட் தைலேத் கண்ணடி3 க2ல்லொ தைதியொ| கண்ணடி3 'தூள் தூள்' கன் பு2ட்டி ஜேடி3யொ|

த3ல்லொ ப3ய்ல் ஜெ2டொ3 மெள்ளி தேஸெந்தொ முஜ்ஜொ|